Karen (ကညီကျိၥ်)

အံၣ်လဲးထြီနံးတၢ်ပူၤဖျဲးနခီၣ်မံးရှၢၣ်နၢၣ် (eSafety Commissioner, eSafety) မ့ၢ်၀ဲအီးစထြ့လယါကရၢသဘျ့ပာ်လီၤတၢ်သိၣ်တၢ်သီဘၣ်ထွဲဒီးလီကျိၤခိၣ်အတၢ်ပူၤဖျဲးဂ့ၢ်၀ီန့ၣ်လီၤ. ပမ့ၢ်အီးစထြ့လယါပဒိၣ်ကရၢအခၢၣ်စးတဖုလီၤ

eSafety မၤစၢၤ၀ဲဒ်သိးကပၥ်ကယဲၢ်ပှၤအီးစထြ့လယါဖိတဖၣ်လၢလီကျိၤခိၣ်တၢ်ပူၤဖျဲးအလီၢ်ဒီးဟ့ၣ်ဒုးသ့ၣ်ညါအါထီၣ်၀ဲကျဲတဖၣ်လၢကအိၣ်လၢတၢ်ပူၤဖျဲးဒိၣ်ထီၣ်အလီၢ်, ကအိၣ်အါထီၣ်ဒီးလီကျိၤခိၣ်တၢ်လဲၤခီဖျိလၢအဂ့ၤန့ၣ်လီၤ. ပအိၣ်ဒီးသဲစးတၢ်စိတၢ်ကမီၤလၢကဒီသဒၢ၀ဲပှၤအီးစထြ့လယါဖိလၢအအိၣ်လၢလီကျိၤခိၣ်အပျဲၢ်စီၢ်အါတက့ၢ်အလိၤဒီးဒီးတၢ်ထံၣ်လိာ်အိၣ်ဖှိၣ်အလီၢ်ဖဲပှၤကမျၢၢ်တဖၣ်တူၢ်ဘၣ်တၢ်မၤတရီတပါမ့တမ့ၢ်တၢ်မၤဆူးမၤဆါအီၤအလီၢ်န့ၣ်လီၤ.

eSafety အိၣ်စ့ၢ်ကီးဒီးလီကျိၤခိၣ်တၢ်ပူၤဖျဲးအလီၢ်တၢ်ရဲၣ်တၢ်ကျဲၤဒီးလံၥ်လဲၢ်တၢ်ကွဲးကဲဘျုးတဖၣ်န့ၣ်လီၤ

eSafety မၤစၢၤဒ်သိးကထူးသံကွံၥ်၀ဲလီကျိၤခိၣ်တၢ်ဆဲးကျိးအလီၢ်လၢအမၤဆူးမၤဆါတၢ်အဒိၣ်အမုၢ်တဖၣ်န့ၣ်သ့လီၤ. တၢ်မၤဆူးမၤဆါလၢအဒိၣ်အမုၢ်ပၣ်ဃုၥ်၀ဲ-

• လီကျိၤခိၣ်တၢ်မၤကလံၥ်ကလိ (cyberbullying) ဖိဒံဖိသၣ်တဖၣ်
• ပှၤနီၢ်ဒိၣ်လီကျိၤခိၣ်တၢ်မၤတရီတပါ
• တၢ်ဂီၤမ့တမ့ၢ်တၢ်ဂီၤမူလၢပၥ်ဖျါတၢ်မံဃုၥ်အိၣ်ဃုၥ်လၢတၢ်ခူသူၣ်အပူၤတဖၣ်လၢတၢ်နီၤဟ့ၣ်လီၤအီၤလၢတအိၣ်ဒီးတၢ်ပျဲလၢပှၤလၢတၢ်ဒိန့ၢ်အဂီၤတဂၤအအိၣ်
• တၢ်ဒုးနဲၣ်ဖျါတၢ်ဖိတၢ်လံၤလၢတဖိးသဲစးဒီးတၢ်တြီအီၤတဖၣ်

လၢကဃုသ့ၣ်ညါဘၣ်ဃးကမၤတၢ်ပၥ်ဖျါထီၣ်အဂီၢ်လဲၤဆူ-eSafety.gov.au/reportတက့ၢ်

On this page:

• Domestic and family violence

ဘၣ်လဲၤခီဖျိကွၢ်ဆၢၣ်မဲာ်ဟံၣ်ပူၤဃီပူၤ,ဟံၣ်ဖိဃီဖိဒီးသွံၣ်ထံးအတၢ်စုဆူၣ်ခီၣ်တကးလၢအသူစဲးဖီကဟၣ်

တၢ်နဲၣ်ကျဲအချ့တခါအံၤရှဲပၠးမ့ၢ်လီပှာ်ယဲၤအဖီခိၣ်ဒီးဒံၤကၠံၤတၢၣ်အစဲးဖီကဟၣ်န့ၣ်တၢ်သူအီၤလၢတၢ်မၤတရီတပါမ့တမ့ၢ်တၢ်ဖီၣ်ဃံးပှၤတဂၤဒ်တၢ်လၢအဘၣ်ထွဲဒီးဟံၣ်ပူၤဃီပူၤ,ဟံၣ်ဖိဃီဖိဒီးသွံၣ်ထံးတၢ်စုဆူၣ်ခီၣ်တကးသ့လၢကျဲဒ်လဲၣ်န့ၣ်လီၤ. တၢ်အံၤပၣ်ဃုာ်တၢ်ပနီၣ်တဖၣ်လၢတၢ်ကကွၢ်ဟုၣ်အီၤအဂီၢ်,မ့ၢ်တၢ်ကပာ်ဖျါထီၣ်အီၤဒီးမ့ၢ်တၢ်ကမၤန့ၢ်တၢ်မၤစၢၤလၢကျဲဒ်လဲၣ်န့ၣ်လီၤ.